منتديات لحن الحب

    قبل وبعد ! ( 3 )

    شاطر
    avatar
    the one

    ذكر
    عدد الرسائل : 722
    العمر : 27
    مزاجى :
    المهنه :
    هوايات :
    تاريخ التسجيل : 05/04/2008

    مزاجى
    مزاجى:

    new قبل وبعد ! ( 3 )

    مُساهمة من طرف the one في السبت 09 أغسطس 2008, 9:22 pm

    ( تقلب في النوم غير مبرر , قلق رهيب , كوابيس متلاحقة , خوفا وغضبا وذهولا , حتي .. )

    _ لااااااااااااااا !
    _ ايه يا يوسف فيه ايه ؟ هو انت كل شوية هتخضنا كده ؟
    _ يا جماعة انا بصراحة خايف قوي من اللي ممكن يحصل ده
    _ ماشي يا بني , بس اكيد مفيش حاجه خطيرة هتحصل , ماتقلقش البوليص هيتصرف .
    _ بوليص ايه ؟ هو انتوا مش عايشين في البلد ؟ كانوا حلوا حاجه قبل كده .
    _ ماتتكلمش في السياسة بقي يا عم , الحيطان ليها ودان وماحدش ركب ليها حلقان وكده يعني !
    _ فايق قوي وبتهزر ياخويا , هنشوف .
    ( ياتي الصباح , يستيقظ الجميع علي لا شئ ! لا صوت ! يتعجب الجميع , اين المشرفين ؟ اين باقي زملائهم , هناك ملحوظة , العنبر الذي يجلس فيه المجموعة الخاصة بيوسف في مبني مهجور تابع للمعسكر )
    _ يا نهار ابيض !!
    _ ايه يا بدوي فيه ايه ؟
    _ المشرفين كلهم مقتولين تحت في الملعب !!
    لا حول ولا قوة الا بالله .
    _ استنوا يا جماعة , هما مش عارفين اننا موجودين هنا , يعني ممكن نفضل مستخبيين منهم وهما مش هياخدوا بالهم لحد ما يمشوا ولا ييجي الجيش يموتهم ولا ايه حاجه .
    _ ونموت من الجوع ! وبعدين هنفضل مستخبيين لحد امتي ؟ احنا لازم نعمل اللي علينا , نموت واحنا بنقاوم احسن من اننا نموت واحنا مستخبيين زي الفيران .
    _ عندك حق يا يوسف , مش لازم نستخبي , هي كده كده خربانه !
    _ لا ممكن ماتكونش خربانه , لو قدرنا نعمل اللي علينا واحنا مؤمنيني باننا هنقدر يبقي هنعمله , وناخد اول خطوة .
    _ ايه هي بقي ؟
    _ نشدهم لينا , نخليهم هما اللي يجولنا مش احنا اللي نروحلهم .
    _ بمعني ؟
    _ بمعني اننا نعملهم فخ .
    _ بس ياتري الفخ ده هينفع ؟ خصوصا اننا معندناش اسلحة .
    _ بس معانا ايدينا ورجلينا , هنشدهم هنا , وبعدها هيبقي معانا اسلحة !
    _ صح , انت دماغك جامدة يا يوسف والله .
    _ بدوي , مهمتك تخليهم يعرفوا ان فيه حياة في المبني ده .
    _ ازاي ؟
    _ اعمل اي حاجه , احدف واحدج فيهم بطوبة في دماغه , اي حاجه .
    _ اوك
    ( بعد ان قام احمد بدوي بدوره , كان كل شئ قد بدا , لذا لم يكن ينفع التراجع , لهذا الايام القادمة تحتاج لرجال اشداء , وكما قال الرائع محمود المليجي _ طلو عمرنا رجالة وبنقف وقفة رجالة _ بالفعل كان الموقف صعبا جدا بالنسبة للشباب الصغار , لكنه كان تحدي جديد بالنسبة اليهم , خاصة ليوسف , لانه _ كما يقول _ هذا الاختبار ليس اصعب اختبار مر وسيمر به , لنري ما سيحدث )

    يتبع
    avatar
    avril lavigne

    انثى
    عدد الرسائل : 1149
    العمر : 27
    الدولة :
    المهنه :
    هوايات :
    تاريخ التسجيل : 02/03/2008

    مزاجى
    مزاجى:

    new رد: قبل وبعد ! ( 3 )

    مُساهمة من طرف avril lavigne في الأربعاء 13 أغسطس 2008, 8:44 pm

    ميرسي اوي علي القصه ديه

      الوقت/التاريخ الآن هو الأربعاء 13 ديسمبر 2017, 9:12 am